DARLING – Drie mans het Vrydag 23 Oktober in die Darling- rondgaande landdroshof verskyn nadat dwelms tydens afsonderlike deursoekings van hul wonings gevind is.

Die polisie het Donderdag 22 Oktober om 10:50 die woning van Allister Jacobs (52) in Okkerneutlaan deursoek en beslag gelê op 382 sakkies tik en 60 heel Mandrax-tablette.

Omstreeks 12:45 is Jason Goliath (30) se woning in Port Jacksonlaan deursoek. Die polisie het beslag gelê op 41 sakkies tik.

Later die dag, omstreeks 18:15, is die woning van Gehwynne Oktober (30) in Cimbidiumlaan deursoek. Tagtig heel mandrax-tablette is daar gevind en op beslag gelê.

Al drie mans het op aanklagte van handel in dwelms in die hof verskyn.

LEES OOK: Man tronk toe oor Mandrax