Home » Sport » Handbalspeler van Upington ingesluit in Suid-Afrikaanse o.20-span

Handbalspeler van Upington ingesluit in Suid-Afrikaanse o.20-span

Nick Pretorius

|

23 Apr 2026

Share this post:

‘n Handbalspeler van Zambië in aksie. FOTO: Handball Association of Zambia

Riodean Diedericks, ‘n 19-jarige leerder aan die Hoërskool AJ Fereirra in Upington, is ingesluit in die Suid-Afrikaanse o.20-handbalspan wat in Zambië aan die International Handball Federation Zone 6-kampioenskaptoernooi gaan deelneem.

Riodean, ‘n boorling van Rosedale, doen sy slypwerk onder die waaksame oog van Neo Matlhare, ‘n gesoute afrigter in dié sport.

Riodean Diedericks, handbalspeler van Upington. — By Riodean Diedericks (tweede van regs) is Edith Esau (provinsiale sekretaresse van Noord-Kaap Handbal), Neo Matlhare (afrigter), en Mitchelene Maans (van die handbalklub Millenium Stars in Upington). FOTO: Nick Pretorius

“Ek voel baie trots op Riodean. Hy is nederig en toegewyd en wil altyd meer weet van handbal wat maar onlangs by ons posgevat het,” sê Matlhare.

Suid-Afrika se o.20-span gaan onder meer teen die gasheerland Zambië te staan kom tydens die toernooi van 28 April tot 2 Mei. Hulle sal ook teen Namibië, Lesotho, Malawi en Swaziland kragte meet.

Upington se gemeenskap staan bankvas agter hul staatmaker en wens hom sukses en sterkte toe in hierdie strawwe internasionale byeenkoms.

LEES OOK: Doele, drama en aksie by Cornald Mouers-sokkertoernooi in Upington

NovaNews WhatsApp Channel is LIVE!

Get the stories that matter, straight to your phone. Click here to join NovaNews on WhatsApp or scan the QR code for instant access.