Die tienertoneelgeselskap van Hoërskool Witteberg in Bethlehem het met die produksie (Op)soek na Sondag aan twee toneelfeeste deelgeneem.

Die groep het die produksie, geskryf deur Luan Jacobs, by die Reza de Wet Toneelfees in Bloemfontein (2 tot 5 Julie) en die Sê-Net Toneelfees by Helpmekaar Kollege in Johannesburg opgevoer.

Die feeste bied jaarliks aan skole die geleentheid om hul produksies voor die aanvang van die kompetisieseisoen voor gehore en beoordelaars te verfyn.

Die Witteberg-span sal nou aan die ATKV-Tienertoneelkompetisie deelneem, waar hulle op 24 Julie in Durban sal optree.

Die tienertoneelgeselskap word deur Ronelle van Heerden afgerig.