KAAPSTAD – Internasionale Hoogspring. Twee atlete van DF Akademie het die afgelope naweek uitstekende prestasies tydens die Internasionale hoogspring behaal. Hulle het in Namibië teen van die sterkste atlete in hul onderskeie ouderdomsgroepe meegeding.
Elizabet Olivier het besonder goed gevaar in die meisies o.14-o.15-afdeling en ’n silwer medalje verower. Sy het ’n indrukwekkende hoogte van 1,60 meter oorgesteek. Elizabet het dieselfde hoogte as die wenner behaal. Dit het haar prestasie des te merkwaardiger gemaak en haar plek onder die voorste jong hoogspringers beklemtoon.
In die seuns o.16-o.17-afdeling het Malan Crous die kroon gespan. Hy wen die goue medalje met ’n uitstekende sprong van 1,95 meter. Sy prestasie getuig van besondere talent, deeglike voorbereiding en die vermoë om onder druk uit te blink.
Die uitslae is ’n bewys van die harde werk en toewyding wat beide atlete deur die seisoen ingesit het. Hulle het nie net hul skool met trots verteenwoordig nie, maar ook gewys dat hulle op ’n hoë vlak met die beste jong atlete kan meeding.
DF Akademie het hul trots uitgespreek oor die twee sportsterre se prestasies en hulle geloof vir hul deursettingsvermoë en vasberadenheid. DF Akademie wens hulle alle voorspoed toe met hul toekomstige atletiekdoelwitte en sien uit na nog indrukwekkende prestasies op die atletiekbaan.
Foto verskaf
