Wat is Helen Zille, die DA se burgemeesterskandidaat in Johannesburg, se hoofonderneming aan Johannesburgers sou sy verkies word?
“Eerlike regering wat basiese dienste vooropstel en korrupsie uitroei.”
Sy sê dit sluit in:
- Munisipale finansies stabiliseer deur ongemagtigde, onreëlmatige, vrugtelose en verkwiste uitgawes hok te slaan.
- Inkomste afkamp om te verseker dat geld vir die bedoelde dienste aangewend word.
- Die munisipale rekeningstelsel herstel om die stad se invordering van inkomste te verbeter.
- Openbare-private-vennootskappe aangaan om munisipale dienste te verbeter.
- Tenderprosesse deursigtiger maak deur besonderhede oor tendervereistes, uitgeslote bieërs, suksesvolle ondernemings en subkontrakteurs bekend te maak.
- Water- en elektrisiteitsverliese verminder, veral waar die stad dienste verskaf waarvoor hy geen inkomste ontvang nie.
- Lees die volledige onderhoud met Helen Zille in Die Papier, wat nou op die rakke is.
- Huisaflewering is ook beskikbaar deur On the Dot te e-pos by diepapierintekening@onthedot.co.za of te bel by 087 353 2191.
- ’n Elektroniese koerant kan ook gekoop word by op novanews.co.za/diepapier of by Magzter.