Die Vredenburg-gemeenskaps-polisiëringsforum (GPF) nooi inwoners uit na ‘n reeks gemeenskapsveiligheidsimbizo’s wat daarop gemik is om samewerking tussen die gemeenskap, plaaslike polisie, owerhede en ander rolspelers te versterk.
Die imbizo’s bied inwoners die geleentheid om veiligheids-en sekuriteitskwessies aan te spreek, idees en moontlike oplossings vir plaaslike misdaad te deel, asook die jongste inligting oor misdaadneigings en polisiëringsinisiatiewe te ontvang.
Volgens die GPF speel gemeenskapsbetrokkenheid ‘n sleutelrol in die skep van veiliger woonbuurte.
Deur die vergaderings by te woon, kan inwoners hul stem laat hoor en saam met wetstoepassers en ander belanghebbendes werk om misdaad te bekamp.
Imbizo’s vind op die volgende datums plaas:
◘ Vredenburg: Dinsdag 14 Julie om 18:00 by die Skilpadsaal;
◘ Louwville: Dinsdag 28 Julie om 18:00 by die Louwville-gemeenskapsaal;
◘ Paternoster: Dinsdag 18 Augustus om 18:00 by die Paternoster-gemeenskapsaal.
Die GPF moedig alle inwoners aan om die geleentheid te benut om ‘n aktiewe rol in hul gemeenskap se veiligheid te speel.
◘ Stuur e-pos aan die Vredenburg GPF by cpf.vredenburg@gmail.com of skakel 022 713 1301 vir nog inligting.
