VREDENBURG – Die liggaam van ‘n man is vanoggend langs die nuwe Louwville-pad in Vredenburg gevind.

Kapt. Tania Helfrich, distrikswoordvoerder vir die Weskus-polisie, het aan Weslander bevestig dat die liggaam gebrand is.

Die identiteit van die oorledene is nog onbekend, en die polisie ondersoek die omstandighede rondom die voorval.

Volgens Helfrich is dit die enigste inligting wat die polisie op hierdie stadium kan bekend maak.

Enigiemand met inligting wat die ondersoek kan help, word versoek om hul naaste polisiestasie te kontak of enige relevante inligting met die polisie te deel.