Die twee wyksraadslede Moosa Raise en Allister Lightburn het gemeenskapleiers, sportvroue- en mans en ander vereer vir hul bydrae om Atlantis ‘n beter plek te maak.
Lightburn het sy wyk se geleendheid Saterdag 26 April by die Witzand Aquifer (Duine) gehou. Moosa het ook sy eerste erkening aan leiers Saterdag 10 Mei by dieselfde plek gehou.
Volgens die twee raadslede is dit belangrik dat leiers erkenning moet kry vir wat hulle doen om Atlantis ‘n beter plek te maak.
Die twee vertel ook dat hulle hoop dat dit ander sal aanmoedig om ‘n helpende hand na die gemeenskap uit te reik. Volgens Lightburn het hy 45 mense vereer terwyl Raise 22 mense vereer het en het belowe dat dit elke tweede jaar gedoen sal word.
