BEDFORDVIEW. o.9-Krieketspan. Die o.9-krieketspan van Leeuwenhof Akademie het onlangs geskiedenis gemaak deur vir die eerste keer die eindstryd van die Easterns-krieketbeker te haal.
Hoewel die span die eindstryd met 26 lopies verloor het, was hul prestasie merkwaardig. Die jong spelers het deur die seisoen deursettingsvermoë, spanwerk en vasberadenheid getoon. Dit het hulle tot een van die sterkste spanne in die kompetisie gemaak.
Onder die uitblinkers in die eindstryd was Lian du Plessis, wat uitstekende boulwerk gelewer het met 2 paaltjies vir 21 lopies. Mikarla van Rensburg het ook ‘n belangrike bydrae met die kolf gemaak deur 21 lopies aan te teken.
Die span se sukses word as ‘n mylpaal vir Leeuwenhof beskou. Hul prestasies op die veld het nie net geskiedenis geskryf nie, maar ook die Leeuwenhof-naam met trots verteenwoordig.
Baie geluk aan al die spelers en afrigters met hierdie besondere prestasie. Hulle het ‘n indrukwekkende seisoen afgehandel en hul plek in die skool se sportgeskiedenis verdien.
Foto voorsien
