BEDFORDVIEW – Leeuwenhof Akademie se stoeiers het puik presteer tydens die Vrysteil Jeug Nasionale Stoeikampioenskappe. Leeuwenhof Akademie spog met verskeie medaljewenners, waaronder vier stoeiers wat as Suid-Afrikaanse kampioene gekroon is.

Die uitstaande uitslae getuig van harde werk, toewyding en deursettingsvermoë. Die stoeiers het hul talent teen sterk kompetisie van regoor die land gemeet en uitstekende resultate behaal.

Tydens die nasionale stoeikampioenskappe was die uitslae as volg:

• Jaun Vorster – In die goue medalje-afdeling het hy die eerste plek in die Presidents Juniors-afdeling (o.15 tot o.20) in die 55 kg-klas behaal. Hy het ses deelnemers in sy gewigsklas uitgestof.
• Morné Els het ook goud gewen in die o.9-afdeling, waar hy as die beste van sewe stoeiers in sy gewigsklas geëindig het.

Drie Leeuwenhof-stoeiers wat silwermedaljes verower het, is:

• Leané Vorster eindig tweede in die Presidentskole-afdeling (o.8 tot o.13) met drie deelnemers in haar gewigsklas.
• Dehan van Dyk het silwer in die o.15-afdeling se 55 kg-klas gewen, terwyl
• Jaun Vorster ook ‘n silwermedalje in die o.15-afdeling se 51 kg-klas ingepalm het.

Deelnemers aan die Vrysteil Jeug Nasionale Stoeikampioenskappe

By die enkelmassa-kompetisie het Leané Vorster en Handré Janse van Rensburg eerste plekke in hul onderskeie gewigsklasse behaal. Hierdie prestasies kwalifiseer outomaties vir goud en bevestig hul status as van die land se voorste jong stoeiers.

Leeuwenhof Akademie het die prestasies van sy stoeiers geloof en die leerders gelukgewens met hul uitstekende vertonings op nasionale vlak. Die uitslae is ‘n bewys van die sterk stoeikultuur by die skool en voorspel ‘n blink toekoms vir hierdie jong sportsterre.

https://leeuwenhof.co.za/

Foto’s verskaf