Mpumalanga Ope-stoeikampioenskap. Twee jong stoeiers van Primêre Skool Naudeville in Welkom het die afgelope naweek hul skool en streek met trots verteenwoordig. Hulle het deelgeneem aan die Mpumalanga Ope-stoeikampioenskap wat op Saterdag, 5 September 2026, in Pretoria aangebied is.
Die Du Plessis-broers het uitstekend presteer en met ‘n rits medaljes in die Vrystyl- asook die Grieks-Romeinse afdelings behaal.
Jan-Phillip du Plessis het ‘n dubbele goue sege behaal. Hy verower die eerste plek in die Vrystyl o.8, asook in die Grieks-Romeinse o.8 kategorieë. Sy skoolmaat, Fourie du Plessis, het eweneens ‘n indrukwekkende vertoning gelewer. Hy behaal twee silwer-medaljes in die Vrystyl o.9 en Grieks-Romeinse o.9 afdelings.
Wat is Grieks-Romeinse stoei (Greco-Roman wrestling)?
Grieks-Romeinse stoei is een van die oudste vorme van gevegsport ter wêreld. Dit is sedert die moderne ontstaan daarvan ‘n amptelike Olimpiese dissipline.
Die belangrikste verskil tussen Grieks-Romeinse stoei en Vrystylstoei is die reëls oor waar ‘n stoeier sy opponent mag vat en watter liggaamsdele gebruik mag word:
- In Grieks-Romeinse stoei mag ‘n stoeier slegs sy opponent se liggaam bo die heupe/middel gryp.
- Stoeiers mag nie hul eie bene gebruik om die opponent te pootjie, te haak of te gooi nie. Hulle mag ook nie aan die opponent se bene vat om hom neer te gooi nie.
- Fokus op krag en gooi-tegnieke: Omdat die bene uitgesluit is, fokus die styl baie meer op boonste liggaamskrag, diep grepe rondom die bors of arms, en indrukwekkende gooi-tegnieke waar die opponent oor die skouer of rug gegooi word.
In teenstelling hiermee laat Vrystylstoei toe dat stoeiers wel hul bene gebruik om aanvalle te loods en ook die opponent se bene mag gryp om hom plat te trek.
Foto verskaf
