Karlien Botha blink uit by Super 8-tennistournooi! Sy is ‘n leerder van Curro Durbanville Preschool and Primary School. Baie geluk, Karlien, met jou uitmuntende prestasie by die Ekurhuleni Super 8-toernooi! Sy het ’n indrukwekkende 6de plek behaal in die o.14-enkelspel, uit ’n veld van 32 spelers. Wat hierdie prestasie nóg meer besonders maak, is dat Karlien ’n jaar jonger is as die ouderdomsgroep waarin sy meegeding het.
Op pad na haar Top 6-posisie het sy twee spelers geklop wat sy nog nooit tevore kon wen nie. Dit is ’n duidelike bewys van haar groei, vasberadenheid en harde werk.
In die dubbelspel het Karlien saam met haar maat, Emma, ’n uitstekende spanpoging gelewer en die goue medalje verower!
Curro Durbanville is ongelooflik trots op jou, Karlien – hou aan om nuwe hoogtes te bereik!
