Hoërskool Kalahari, Kuruman, is baie trots op Jan Fleming se uitstaande prestasie. Hy is ná ’n uitmuntende vertoning tydens die SA Rugby FNB Jeugweke, gekies vir die Suzuki O.18 Griquas Akademie Droomspan.
Jan het ’n sleutelrol gespeel in Griquas se oorheersende 64–12-oorwinning oor Border CD, waar hy ook een van die span se tien drieë gedruk het. Sy toewyding, harde werk en spel van gehalte is beloon met ’n plek onder die top spelers van die dag.
Om tot die opdrafspan verkies te word, is ’n besondere prestasie en ’n bewys van Jan se talent, deursettingsvermoë en passie vir rugby.
Baie geluk, Jan! Jou Kalahari‑familie is ongelooflik trots op jou. Hou aan om die Kalahari‑ en Griquas‑kleure met trots te dra – hierdie mylpaal is net die begin van groter hoogtes!
