Potchefstroom Gimnasium se eerste tennisspanspelers, Righard Raath en Christiaan de Wet, het van 7 tot 11 Julie aan die GETA American Express Super 8-toernooi in Benoni deelgeneem. Hierdie twee Gimmies-tennisspelers presteer en verteenwoordig hul skool met trots.
Na vyf dae van intense en hoogs kompeterende tennis het Righard ’n puik 12de plek in die mansafdeling behaal. Christiaan het 13de in die o.16-seunsafdeling geëindig.
Beide spelers het ook aan die dubbelstoernooie deelgeneem, waar hul talent, vasberadenheid en sportmangees duidelik na vore gekom het.
Baie geluk, Righard en Christiaan! Julle harde werk en deursettingsvermoë maak Gimmies ongelooflik trots.
