Die Kenhardt Undisputed Divas het Saterdag 16 Mei hul eerste nederlaag in die Avbob Vrouerugby Superliga teen die Sol Plaatje-universiteit (SPU) in Kimberley beleef, met ‘n telling van 70-12 in SPU se guns.

“Al was die wentelling groot, was die wedstryd vir lang tye baie tight en het ons meisies hul harte uitgespeel en nooit opgegee nie. Ons is trots op elke speler wat die Divas-kleure met trots verteenwoordig het,” sê die klub op Facebook.

Divas se volgende ligawedstryd vind op 30 Mei teen Sishen Ladies plaas.

Die afgelope naweek het Sishen Ladies en Colesberg Queens mekaar in Sishen getakel, waar Sishen ‘n sege van 19-17 behaal het.

Dié vier vroueklubs ontvang ondersteuning van die Griekwaland Wes-Rugbyunie as volwaardige, funksionerende vroueklubs.

LEES OOK: Noord-Kaap se eerste volwaardige vrouerugbyklubs speel ‘harde rugby’