VELDDRIF – Die Weskus maak gereed heerlik te swem wanneer die 10de Velddrif-mylswem op Saterdag 14 November plaasvind. Of jy nou ‘n ervare langafstandswemmer is of net vir die pret wil kom plons, daar is ‘n uitdaging vir jou én ‘n kans om met ‘n splinternuwe kajak weg te stap!
Die geleentheid word deur Realtor of Excellence West Coast aangebied en bied drie swem- opsies, met pryse vir vinnige swemmers en selfs vir die bes geklede deelnemer aan die 500 m-pretswem.
Deelnemers en toeskouers het die kans om ‘n Odyssey Swallow-sit-op-die-bokant-kajak te wen, geskenk deur Robbie Herreveld’s Canoe & Kayak World.
Lootjies kos R20 elk en kan by die geleentheid gekoop word. Die trekking vind tydens die prysuitdeling omstreeks 11:45 by die Port Owen-seiljagklub plaas.
Daar is net een vangplek: die wenner moet by die prysuitdeling teenwoordig wees. Indien die wenner nie daar is nie, word ‘n ander naam getrek. Al die geld wat met die kaartjiever- kope ingesamel word, gaan aan die plaaslike Nasionale Seereddingsinstituut (NSRI).
Kies jou swemuitdaging
500 m-pretswem: R150 per inskrywing. Die wedren begin om 10:10, met registrasie van 08:45 tot 09:45 en ‘n inligtingsessie om 09:55. Registrasie vind by die Port Owen-slipway in Marina Point Road plaas. Enige swemhulpmiddels word toegelaat. Daar is pryse vir die eerste drie swemmers, en die bes geklede swemmer wen ook ‘n prys. Inskrywings kan op die dag gedoen word.
Myl-swem: R300 per inskrywing. Die wedren begin om 08:15. Registrasie is van 06:30 tot 07:45, gevolg deur ‘n inligtingsessie om 07:45. Meld aan by East Basin, Elizabeth East Drive, Port Owen. Pryse is op die spel vir die eerste drie swemmers sonder ‘n duikpak en die eerste drie duikpak-swemmers, sonder verdere kategorieë.
3 km-swem: R330 per inskrywing. Die wedren begin ook om 08:15, met dieselfde registrasie- en inligtingstye as die Myl-swem. Registrasie vind by East Basin, Elizabeth East Drive, Port Owen plaas.
Geen veranderings aan kate- gorieë of inskrywings vir die Myl- en 3 km-swem sal op die dag toegelaat word nie.
Vir die Myl- en 3 km-swem sluit die pryskategorieë jeug, ope en veterane in, vir sowel swemmers sonder duikpakke as dié wat duikpakke dra.
Daar is ook pryse vir die vinnigste swemmer sonder ‘n duikpak en die vinnigste duikpak-swemmer.
Bring jou swemspan saam en bespaar: groepe van vyf of meer kry 10% afslag op die totale bedrag, terwyl groepe van tien of meer 20% afslag kry.
Kos en drankies sal by die eindpunt te koop wees, en koffie sal tydens registrasie beskikbaar wees.
Rig navrae aan Ross by 071 891 6451, óf skryf aanlyn in by https://forms.gle/UvATbTbRf7iq177x5.
Maak jou swembril reg, bring jou span en kom geniet ‘n dag vol waterpret. Wie weet, dalk swem jy nie net jou beste tyd nie, maar wen jy ook ‘n kajak én help jy die plaaslike NSRI.
LEES OOK: Velddrif-myl ’n sukses
