VREDENBURG – Drie jong judokas van die Witteklip-judoklub het hul staal by die SA Nasionale Judokompetisie van Maandag tot Vrydag, 6-10 Julie, in Gqeberha (Port Elizabeth) gewys.
Chad-Lee Pieters het ‘n goue medalje verower, terwyl Dea-Nay Pieters met ‘n bronsmedalje huis toe gekom het. Robernecia Mosito het ook uitstekend gevaar en gekwalifiseer om haar Wes-Kaap-kleure te verwerf. Sy neem op Saterdag 31 Oktober in George aan die Wes-Kaap-kleuregeleent- heid deel. Die jong sportmanne en -vroue se prestasies is ‘n bewys van hul harde werk, dissipline en toewyding aan judo, het Jacques Boer, hul afrigter, gesê.
