Welkom Gimnasium o.17 sewes vier ’n glorieryke sporthoogtepunt. Die skool se o.17 Sewes rugbyspan het die Sentraal 7’s-toernooi in Bloemfontein oorheers en as wenners uit die stryd getree.

Met ’n reeks indrukwekkende oorwinnings – waaronder ’n 41–0 triomf oor Bloemfontein Hoër, ’n 50–0 sege teen HTS Louis Botha en ’n 71–0 oorwinning teen Mangaung – het die span hul krag en talent duidelik bewys.

In die uitspeelrondes het hulle St. Andrews met 36–17 in die kwarteindstryd geklop. Daarna het hulle Henties met 19–7 in die semifinaal verslaan, en uiteindelik Grey College met 33–26 in ’n naelbyt‑finaal getroef.

Hierdie prestasie is ’n bewys van harde werk, vasberadenheid en spanmangees. Baie geluk aan elke speler en afrigter – Welkom Gimnasium is ongelooflik trots op julle!

https://welkom-gimnasium.co.za/

Foto verskaf