BETHLEHEM – UNISA-praktiese uitslae. Leerders van Truida Kestell het uitstekende prestasies behaal tydens hul onlangse UNISA-praktiese musiekevaluasies. Hulle uitslae getuig van harde werk, toewyding en ‘n passie vir musiek.

Die deelnemers het in verskillende grade aan die praktiese eksamens deelgeneem en indrukwekkende resultate behaal. Die prestasies weerspieël nie net die leerders se musikale talent nie. Dit is ook die bewys van die gehalte van opleiding en voorbereiding wat hulle ontvang het.

Die Unisa-praktiese uitslae is as volg:

Gr. 1

• Anouk Bredenkamp behaal ‘n lofwaardige 82%
• Pieter van Aswegen 86%
• Colene Koch het 80% onderskeidelik met lofuitslae behaal.

Gr. 2

• Izé Claassen het op haar beurt ‘n uitstekende 80% behaal.
• Lienke Bartleman behaal ‘n A-prestasie in haar praktiese eksamen wat ‘n besondere prestasie is.

Gr. 3

• Karli van Zyl het met ‘n lofwaardige 83% uitgeblink. Stef van der Berg verwerf ‘n B+-prestasie in die voorbereidende vlak.

Voorgraad 1

• Stef van der Berg verwerf ‘n B+-prestasie.

Musiekopleiding speel ‘n belangrike rol in die ontwikkeling van dissipline, selfvertroue en kreatiwiteit. Hierdie prestasies is daarom ‘n bewys van die leerders se volgehoue ywer en toewyding aan hul kuns.

Truida Kestell is trots op elke deelnemer se prestasie en wens hulle geluk met hul uitstekende uitslae. Die skool sien daarna uit om hul verdere groei en sukses op musikale gebied te volg.

https://truidakestell.co.za/

Foto verskaf