Jong stoeiers van die Primêre Skool Naudeville het die afgelope naweek gewys van watter stof hulle gemaak is. Hulle het op Saterdag, 19 September, aan die gesogte stoeibyeenkoms by Sand du Plessis deelgeneem. Die skool se atlete het uitstekende tegniek, fiksheid en deursettingsvermoë op die mat vertoon. Met ‘n indrukwekkende oes medaljes en top-plasings het hulle huis toe gekeer.
Die hoogtepunt van die dag was die skitterende vertoning van Jan-Phillip du Plessis. Hy het al sy kragte tydens die stoeibyeenkoms ingespan om goud te verwerf. Jan-Phillip tree uit die stryd as die algehele wenner in sy afdeling.
Naudies se silwergroep het eweneens ‘n harde stryd op die mat gevoer. Fourie Fourie, Johnny Nel en Duke Jacobs het almal uitsonderlik goed presteer en verdienstelik die tweede plek op die wenplatform ingeneem. Elkeen het ‘n silwermedalje verower.
Nie ver agter hulle nie, het Johnny Lingenfelder en Joden Lingenfelder tegnies baie sterk vertonings gelewer. Albei van hulle slaag daarin om bronsmedaljes vir hul onderskeie derde plekke te beklink.
Verder het Hunter Jacobs en Jaden Lingenfelder ook dapper stoeiwerk getoon deur net-net die medaljepodium te mis. Albei het eervolle vierde plekke in hul kategorieë behaal en waardevolle punte vir die span ingesamel.
“Die skoolhoof, personeel en skoolgemeenskap van Primêre Skool Naudeville spreek hul trots en hartlike gelukwense uit aan hierdie toegewyde atlete vir hul harde werk, sportmanskap en die wyse waarop hulle die skool se naam op die stoeimat hoog gehou het.”
Foto’s voorsien
You must be logged in to post a comment.