“Indien u gewonder het wie hierdie aandoenlike jong lat is wat op ANHS se sosiale media pronk, dit is ons eie Pieter van Schalkwyk! Pieter is afkomstig van Queenstown waar hy sy skoolloopbaan voltooi het te Hoërskool Hangklip.” Pieter is aangestel as Hoërskool Aliwal-Noord se studente- onderwyser vanaf Maart vanjaar. Hy spandeer graag tyd in die buitelewe waar hy sy liefde vir hengel uitoefen. So gepraat van oefen… Pieter is gaande oor sport, veral Rugby en hy oefen graag ook in die gimnasium. Hy is lief vir die onderwys want dit kombineer twee van sy groot liefdes: sport en om kinders te help presteer. Pieter is die toonbeeld van hulpvaardigheid en doelgerigdheid, niks is ooit vir hom teveel gevra nie! Sy positiewe uitkyk oor die lewe maak van hom sowaar iemand om na op te kyk en ANHS is opgewonde om te sien hoe hy nog baie jong mense se lewens positief gaan beïnvloed.