BETHLEHEM – Dux-leerder. Zilni van Wyk, ’n Gr. 12-leerder van Bethlehem Voortrekker Hoërskool, is as die skool se eerste Dux-leerder aangewys. Sy het ’n indrukwekkende gemiddeld van 95,1% behaal. Hierdie besondere prestasie getuig van haar toewyding, deursettingsvermoë en strewe na uitnemendheid.
Zilni het deurgaans uitstekende uitslae in al haar vakke behaal.
Haar Prestasies is as volg:
- 94% vir Afrikaans Huistaal
- 93% vir Engels Eerste Addisionele Taal
- 98% vir Lewensoriëntering
- 94% vir Wiskunde
- 95% vir Lewenswetenskappe
- 95% vir Toerisme
- 97% vir Rekeningkunde
Hierdie uitstaande akademiese rekord plaas haar onder die top presterende leerders van die skool. Haar resultate weerspieël nie net harde werk nie, maar ook ’n konsekwente toewyding aan haar studies deur die jaar.
Die skoolgemeenskap is besonder trots op Zilni se prestasie. Sy dien as ’n inspirasie vir haar mede-leerders en bewys dat uitstekende resultate bereik kan word deur vasberadenheid, dissipline en volgehoue inspanning.
‘Bethlehem Voortrekker Hoërskool wens haar van harte geluk met hierdie welverdiende erkenning en sien met groot verwagting uit na haar toekomstige sukses.‘
Foto verskaf
