Rugbygeesdriftiges en ondersteuners van die Suzuki Griekwas kan naderstaan om op Sondag 6 September die Poubloues in aksie op hul tuisveld in die Suzuki-stadion in Kimberley te sien.

Griekwas, die verdedigende kampioene in die Curriebeker-reeks en bo-aan die ranglys, ontvang dan die Leeus vir vanjaar se eerste halfeindstryd. Die Poubloues het verlede naweek in Wellington die Bolanders se kans om aan die half-eindstryd deel te neem met ‘n oortuigende sege van 48 – 17 uitgewis.

In die ander halfeindstryd Sondag sal die Cheetahs, wat tweede op die ranglys is, die Pumas, wat derde is, om 15:30 in Bloemfontein verwelkom.

Die wedstryd in Kimberley begin om 13:00.

Koop kaartjies op ticketpro.co.za, by enige Pick n Pay- of Spar-kioskpunt, of by die Suzuki-stadion.

Bogenoemde verkooppunte is die enigste kaartjieverkooppunte wat deur Suzuki Griekwas gebruik word. Ondersteuners wat aanlyn kaartjies koop, word aangeraai om herverkopers wat veel duurder kaartjies adverteer te vermy.