In Desember vanjaar sal die voormalige plaaslike hoof wat van seksuele aanranding beskuldig word sy dag in die hof hê.

Dié voormalige Stellenbosse skoolhoof het die afgelope Dinsdag (1 September) in die Stellenbosch-landdroshof verskyn. Die saak was uitgestel sodat ‘n afskrif van die dossier aan die verdediging verskaf kan word, wat intussen uitgevoer is.

Die uitgetrede hoof is deur ‘n voormalige kollega aangekla van seksuele aanranding ná ‘n voorval tydens ‘n jaareindfunksie verlede Desember.

Die hof het vandeesweek die saak tot Dinsdag 3 Desember uitgestel vir voorverhoor en die volgende dag vir die verhoor om te begin.

LEES OOK: Oud-skoolhoof weer in Stellenbosch voor vir seksuele aanranding

Hof vol ondersteuners

Ondersteuners van die voormalige onderwyser het Dinsdag soos oudergewoonte hof B volgesit om hul steun aan die beskuldigde te toon.

Eikestadnuus het voorheen berig dat die Wes-Kaapse onderwysdepartement (WKOD) ‘n interne ondersoek na die voorval van stapel gestuur het.

Millicent Merton, ‘n woordvoerder vir die WKOD, het destyds gesê die beweerde voorval is op Vrydag 12 Desember by die departement se direktoraat vir werknemersverhoudings aangemeld.

Hierna is met die ondersoek begin. Daar was egter geen uitstelsel nie, aangesien die hoof uitgetree het voor die interne saak afgehandel kon word.

Die verdediging het vandeesweek aan die hof gedui hulle beplan om ten minste drie getuies tydens die verhoor te roep.

LEES OOK: Skoolhoof voor oor beweerde aanranding