In dié propvol uitgawe van Die Papier berig ons oor die nuutste in die waterkrisis in Johannesburg en dat die DA “binne die volgende paar dae ’n aankondiging” sal maak oor regsaksie teen die Johannesburgse metroraad.
Maar Johannesburg is beslis nie die enigste munisipaliteit met ’n watervoorsieningsprobleem nie. Volgens die ouditeur-generaal, Tsakani Maluleke, se jongste verslag, én ons lesers wyd en syd, is dit ’n landwye krisis.
Ons kyk na die vier kandidate wat António Guterres, die sekretaris-generaal van die Verenigde Nasies (VN), op kan volg en vind uit of die weermag se ontplooiing in die Wes-Kaap werklik bendegeweld hokslaan.
Goeie nuus! Die Kinderfonds se groot skenkingsprojek begin vandag. Deur ’n skenking aan Die Kinderfonds te maak, kan jy R200 000 of ’n splinternuwe Toyota Vitz wen.
Ilse Salzwedel se boekeblad is oudergewoonte weer stampvol heerlike boekenuus en Marlene van der Westhuizen laat ons monde water met haar vispastei-resep.
Op die sakeblaaie skryf kenners oor die oorlog in die Midde-Ooste en onvoorsiene uitgawes, inflasie en prysskokke.
Jana Marx berig eerstehands uit Jerusalem en Jurie van der Walt skryf oor die komplekse ewewig rondom Benjamin Netanyahu.
En moenie van die sportblaaie vergeet nie: Hier skryf ons oor die naweek se F1 in Miami, die Wildeklawer-toernooi en vanjaar se Statebondspele.
Dít, en nog vele meer in die nuwe uitgawe van Die Papier.
- Die nuwe uitgawe van Die Papier is van vandag af op die rakke.
- Huisaflewering is ook beskikbaar deur Op the Dot te e-pos by diepapierintekening@onthedot.co.za of te bel by 087 353 2191.
- ’n Elektroniese koerant kan ook gekoop word by op diepapier.co.za of by Magzter.
LEES OOK: Die nuwe Afrikaanse weekblad Die Papier se eerste uitgawe verskyn Vrydag 6 Maart
You must be logged in to post a comment.