Twee polisiebeamptes van die St. Helena- baai-polisiekantoor is beseer toe ‘n polisie- voertuig en ‘n private voertuig die afgelope Saterdag (31 Oktober) op die St. Helena- baaipad in ‘n botsing betrokke was.
Die voorval het tussen 18:00 en 20:00 voor die ingang na die plaas Patrysberg plaasgevind.
Volgens kapt. Andrew Prinsloo, die stasiebevelvoerder van die St. Helenabaaipolisie, het een van die beamptes ‘n arm gebreek en moet ‘n operasie ondergaan.
“Vier ander beamptes het ligte beserings opgedoen,” het hy bygevoeg.
Prinsloo het bevestig geen insittendes van die private voertuig is in die botsing beseer nie. Die omstandighede is nie bekend gemaak nie.
LEES OOK: Maak jouself sigbaar in mis
