Aspirant-jazzmusikante en instrumentaliste uit die Wes-Kaap word genooi om deel te neem aan vanjaar se Jeug-jazzreeks, wat tussen Vrydag 12 en Saterdag 13 Junie in die Artscape-teater plaasvind.
Hierdie projek, wat in 2003 deur Artscape as die Jeug-jazzfees begin is, het oor die jare heen uitgebrei om die enorme belangstelling en uitsonderlike talent van jong jazzmusikante te akkommodeer. Soos die projek aanhou ontwikkel, staan dit nou bekend as die Jeug-jazzreeks.
Die projek sluit Meester- klas-programme in waar die jong musikante van diegene met ervaring in die bedryf sal leer en dan die verhoog sal betree.
Die voordele van deelname aan die fees is talryk en aanhoudend.
Deelnemers word spilpunte van volhoubare leer, aangesien hulle ‘n platform kry om hul eie kreatiwiteit vir ‘n gevange gehoor uit te spreek, terwyl hulle ook die geleentheid kry om hul horisonne te verbreed deur die magie van ‘n lewende verhoog, ligte, klank en ‘n gehoor te ervaar.
Musikante en instrumentaliste moet ‘n oudisievideo via aanlyn platforms indien met die volgende kriteria:
• Die ouderdomsbeperking is 27 jaar in die jaar van deelname.
• Ons moedig leerders en informele musiekstudente aan om oudisies af te lê.
• Musiekgeletterdheid is nie noodsaaklik nie. Kandidate wat slegs op gehoor speel, is baie welkom.
• Kandidate moet in die Wes-Kaap woon.
• ‘n Maksimum van twee 3-4- minuut-oudisievideo’s moet teen Vrydag 17 April ingedien word.
(Voltooi asseblief die aansoekvorm en dien dit saam met jou oudisievideo’s in.)
• Kandidate moet 2 liedjies/standaarde indien. Enige jazz-deuntjie of standaard is aanvaarbaar.
• Geselekteerde kandidate sal gekontak word vir ‘n regstreekse oudisie met die oudisiepaneel indien verdere oudisie-optrede benodig word.
• ‘n Maksimum van 15 minute sal per kandidaat toegeken word.
• Alle kandidate moet beskikbaar wees om meesterklasse by te woon.
Hierdie sessies sal deur kandidate en mentors opgestel en ooreengekom word sodra oudisies afgehandel is.
• Alle kandidate moet beskikbaar wees vir ALLE vereiste repetisies tussen Mei en Junie.
Inskrywingsvorms en oudisie-video’s kan gestuur word na slu@artscape.co.za
Bevestig asseblief met naam en van teen Vrydag 17 April.
