Nasionale Vrouemaand bied ons elke jaar die geleentheid om die merkwaardige bydraes van vroue wat die geskiedenis van ons land gevorm het en steeds vooruitgang in elke sektor van die samelewing dryf, te vier. Dit is ook ‘n tyd om ons verbintenis tot die bevordering van gelykheid en die skep van geleenthede vir toekomstige geslagte te herbevestig.
Hoewel Suid-Afrika beduidende vordering met die bevordering van geslagsgelykheid gemaak het, moet baie meer steeds gedoen word. Om betekenisvolle verandering te bewerkstellig, vereis voortdurende samewerking om hindernisse te verwyder, geleenthede uit te brei en omgewings te skep waar vroue kan floreer.
By die Atlantis- spesiale ekonomiese sone (Asez) glo ons die bemagtiging van vroue is van kardinale belang vir die bou van ‘n veerkragtige, inklusiewe en volhoubare ekonomie. Terwyl die Wes-Kaap sy posisie binne die groenekonomie verder versterk, bly ons daartoe verbind om ‘n omgewing te bevorder waar vroue as entrepreneurs, professionele mense, nuutskeppers en leiers kan bydra. Vroue vorm deesdae na raming 60% van ons arbeidsmag – op alle vlakke binne die maatskappy.
Die bemagtiging van vroue is nie net die regte ding om te doen nie – dit is ook noodsaaklik vir ekonomiese groei. Wanneer vroue gelyke toegang tot geleenthede het, word ondernemings meer vernuwend, gemeenskappe floreer en nywerhede is beter geposisioneer om toekomstige uitdagings die hoof te bied.
Vrouemaand herinner ons daaraan dat die bevordering van gelykheid ‘n gedeelde verantwoordelikheid is.
Die regering, die bedryf, opvoedkundige instellings en gemeenskappe het almal ‘n belangrike rol om in die skep van geleenthede vir vroue deur middel van onderwys, vaardigheidsontwikkeling, leierskapsgeleenthede en betekenisvolle indiensneming te vervul.
Asez gaan deur sterk vennootskappe met ons belanghebbendes, beleggers en plaaslike gemeenskappe voort om inklusiewe ekonomiese deelname en volhoubare ontwikkeling te ondersteun.
Saam skep ons geleenthede wat individue bemagtig terwyl dit ‘n bydrae tot die langtermyngroei van ons streek lewer.
Terwyl ons Nasionale Vrouemaand vier, laat ons hulde bring aan die vroue wie se leierskap, veerkragtigheid en prestasies ons steeds inspireer. Nog belangriker, laat ons daartoe verbind bly om gelykheid deur ons optrede te bevorder, sodat elke vrou die geleentheid het om haar volle potensiaal te verwesenlik en tot ‘n meer voorspoedige en inklusiewe Suid-Afrika by te dra.
Tot volgende keer,
Matt
