Witteberg-matrieks van 2025 vereer vir prestasies in eksamen

Matriekleerders aan die Hoërskool Witteberg in Bethlehem het povinsiale erkenning vir hul uitstekende matriek-eksamenuitslae ontvang.

Vier leerders van die Hoërskool Witteberg is deel van die 50 toppresteerders in die Vrystaat. Hulle is op die Vrystaatse Well Done-geselligheid van die departement van onderwys wat op Vrydag 16 Januarie  in Bloemfontein vir hulle prestasies vereer.

Jané de Villiers het negende die Vrystaat geëindig met ’n gemiddeld van 93%, en het die beste punte in die provinsie vir Afrikaans huistaal behaal.

Hugh Enslin is elfde in die Vrystaat met ’n gemiddeld van 92,42 %, en is ook onder die toptien presteerders in fisiese wetenskap aangewys.

Amy Kotzé het die 31 ste plek in die Vrystaat behaal met ’n gemiddeld van 88,5% en spog met nege onderskeidings, terwyl Keryn Woodage die 49ste plek ingeneem het met ’n gemiddeld van 88,25%, en ook onder die toptien presteerders in wiskunde is.