Soutpansberg- Landloop-interhoër. Merensky Landbou Akademie se landloopspan het Woensdag, 19 Augustus 2026, hul oorheersing bevestig. Hulle het deelgeneem aan die Soutpansberg Landloop-interhoër wat op hul tuisveld aangebied is. Agt ander skole – Ben Vorster, HTS Tom Naudé, Curro Heuwelkruin, Frans du Toit, Northern Academy, PHS, Louis Trichardt en Eric Louw – het aan die byeenkoms deelgeneem.
Die Plasies het met vasberadenheid en spanpoging uitgestyg en is as die algehele wenners van die dag gekroon.
Spanresultate:
- Junior meisies – Eerste
- Junior seuns – Eerste
- Senior dogters – Eerste
- Senior seuns – Vierde
Individuele uitblinkers:
- Zené Gouws – Eerste, junior dogters
- Yolindi Visagie – Derde, junior dogters
- Eric Vermaak – Derde, junior seuns
- Jané Buitendag – Eerste, senior dogters
- Reratile Mabula – Derde, senior dogters
Elke prestasie het bygedra tot ’n trotse spantriomf wat Merensky se naam hoog gehou het. Die afrigters en ondersteuners het hul waardering uitgespreek vir die toewyding en deursettingsvermoë van die atlete.
Die volgende groot uitdaging wag reeds: die SA-kampioenskappe op 5 September 2026, waar die Plasies weer hul staal sal wys.
Foto’s: Imcke Schambriel
You must be logged in to post a comment.