Hoërskool Ben Viljoen in Groblersdal spreek sy trots uit oor mnr. Excellent Mnkomo, onderwyser van die skool. Hy tree op as skeidsregter vir die o.17 Provinsiale Sewesrugbytoernooi. Dit vind plaas vanaf 1 tot 3 Oktober by Volkskool Heidelberg.
Sy aanstelling as skeidsregter vir die Provinsiale Sewesrugbytoernooi word beskou as ‘n besondere eer. Sy uitgebreide kennis van rugby, ervaring op die veld en sy toegewyde diens as skeidsregter getuig van sy harde werk tot die sport.
Excellent het hom reeds as ‘n bekwame en gerespekteerde skeidsregter onderskei. Sy betrokkenheid by die toernooi bied hom die geleentheid om verdere waardevolle ervaring op te doen. Dit stel hom ook in staat om sy vaardighede op ‘n hoër vlak te slyp.
Volgens die skool is dit altyd bemoedigend om personeel te sien wat hul talente en passie ook buite die skoolomgewing uitleef. Sy aanstelling dien nie slegs as ‘n persoonlike prestasie nie. Dit is ook ‘n bron van trots vir die hele Ben Viljoen-gemeenskap.
Hoërskool Ben Viljoen wens mnr. Mnkomo alle sterkte toe vir die toernooi en vertrou dat hy elke wedstryd met dieselfde passie, integriteit en professionaliteit sal hanteer waarvoor hy reeds bekend is.
Foto verskaf
