SARIE Nuwe Gesig 2026. Hoërskool Jan van Riebeeck se Kate Heyns, Mej. Jan van Riebeeck 2025, is pas aangewys as die wenner van SARIE Tydskrif se Nuwe Gesig-kompetisie 2026.
Die aankondiging bring groot trots vir die skoolgemeenskap, wat Kate se prestasie as ’n nasionale hoogtepunt vier. Met haar sprankelende persoonlikheid en opregte skoonheid van binne en buite, het sy die beoordelaars en lesers se harte verower.
Die titel van SARIE Nuwe Gesig is een van die mees gesogte toekennings in die land en bied aan jong vroue die geleentheid om hul talent en styl op ’n nasionale verhoog te toon. Kate se oorwinning bevestig haar as ’n rolmodel vir haar medeleerders en die breër gemeenskap.
“Ons bars van trots oor Kate,” het ’n woordvoerder van die skool gesê. “Sy verteenwoordig nie net die skool met grasie nie, maar ook die waardes van integriteit en opregtheid.”
Met hierdie prestasie skitter Kate Heyns as ’n ware inspirasie, en haar naam sal nog lank met trots aan Hoërskool Jan van Riebeeck verbind word.
https://janvanriebeeck.co.za/
Foto verskaf
