Danie Conradie, ’n matriekleerder by Paul Roos Gimnasium, behaal in Oktober 2020, ten spyte van die grendeltyd, 92% vir die graad 8-UNISA klaviereksamen.

UNISA nooi jaarliks ongeveer 12 toppresteerders in die graad 8-kategorie na ’n nasionale beurskompetisie, 2020 South African Music Scholarship Competition, in Pretoria.`n Vorige Paul Roos-leerder wat hieraan deelgeneem het, was David Wolfswinkel (oudskolier van 2015 – klarinet). Danie Conradie is reeds vanaf 2016 ’n leerder van Ronella van Rensburg van die ScoreS2Duo Privaat Musiekstudio, Stellenbosch en hy ontvang ook gedurende die grendeltyd ’n aanlynmeesterklas by dr Liezl-Maret Jacobs.

Danie  beklee ook tans die derde akademiese klasposisie met ‘n gemiddeld van 92,1%. Hy bespeel ook die altviool in die Paul Roos Gimnasium aanlynmusiekproduksie met ’n baie gepaste feesseisoentema, Splendidior 2020. Kaartjies is tans beskikbaar by Webtickets.