Bloemfontein – Primêre Meisieskool Oranje vier ’n merkwaardige prestasie. Die o.13A-hokkiespan het die Hokkieliga finaal gewen met ’n gespanne 1–0 oorwinning teen Eunice Primary.
Met hierdie oorwinning het die span hul plek verseker in die gesogte Champ of Champs-toernooi wat vanaf 23 September in Potchefstroom plaasvind. Die Noordwes Uitdaagtoernooi bring die beste spanne bymekaar, en Oranje o.13A Hokkiespan se jong hokkietalent is reg om hul vaardighede op ’n nasionale verhoog te wys.
“Ons is ongelooflik trots op die dogters se vasberadenheid en spanwerk. Hierdie prestasie is ’n bewys van hul harde werk en toewyding,” het die skoolhoof gesê.
Oranje staan agter sy Eendjies en wens hulle alle sterkte toe vir die uitdagings wat voorlê.🐥
Foto verskaf
