Totsiens sê is nooit maklik nie.

Maar die lewe is een groot reis. Tydens hierdie lewensreis is daar baie hoogtes en laagtes en versteekte afdraai paadjies. En vir ons Gr7’s begin ‘n nuwe reis binnekort.

Gelukkig het ons by een van die heel beste laerskole in ons land geleer om ons lewensreis mooi te bepan en te navigeer. Vir 7 jaar het ons stewig aan ons ankers gebou met hierdie voortreflike skool as inspirasie. Nou kan ons die winde en storms op ons lewensreis vorentoe aandurf, want ons ankers is stewig.

Dit bring my by die heel mooiste woord in Afrikaans: Dankie

Dankie aan elkeen verbonde aan Laerskool Menlopark wat ons lewensreis oor die afgelope 7 jaar verryk het. En op die laaste kruin van ons Laerskoolloopbaan moet ons groet vir die volgende deel van ons lewensreis.

Die is ook my bede dat volgende jaar se leiers sal voortbou op ‘n uitsonderlike tradisie. Die klas van 2020 het ‘n baie uitdagende jaar gehad, maar aan my mede Gr7’s wil ek sê: “Knapgedaan, we did it!” Sonder sport en met maskers.

Aan al die ander leerders van Laerskool Menlopark, voor in die pad brand daar wel ‘n liggie. Bly altyd nederig, positief en vol hoop.