Hoërskool Punt, Mosselbaai, is trots op hul gimnaste, Talesha Nel en Stefan Borka. Hierdie twee Hoërskool Punt Gimnaste het onlangs by die Eden-proewe vir Trampolien en Tuimel uitmuntend presteer.

Talesha Nel

• Tuimel (Vlak 7, 13–14 jaar) – Silwer
• Dubbelmini-trampolien (Vlak 8, 13–14 jaar) – Silwer

Stefan Borka

• Trampolien (Vlak 8, 17 jaar en ouer) – Goud
• Dubbelmini (Vlak 8, 17 jaar en ouer) – Silwer

Stefan het boonop sy Vlak 2-beoordelaarskursus in trampolienbeoordeling suksesvol voltooi – ’n merkwaardige prestasie!

Beide leerders is opgeneem in die Eden Trampolien- en Tuimelspan en sal van 28 tot 30 Augustus aan die Wes-Kaap Kampioenskappe by die Eversdal Gimnastiekklub in Brackenfell deelneem.

Hoërskool Punt is baie trots op julle en wens julle alle sterkte toe vir die kampioenskappe!

https://www.pointhighschool.co.za/

Foto’s verskaf