Op Woensdag, 24 September, het Hoërskool Fichardtpark, Bloemfontein, hul matriekafskeid met groot trots en styl gevier onder die tema “Proudly South African.”
Die saal was ’n fees van kleure en simbole wat ons land se verhaal vertel: die helder kleure van die landsvlag, trotse proteas wat die tafels versier, en sagte kerslig wat alles in ’n warm, elegante gloed gehul het. Dit was ’n aand vol kleur, hoop en trots – ’n viering van waar die matrieks vandaan kom en die pad wat voorlê.
Aan elke matrikulant: “Julle staan op die drumpel van ’n nuwe hoofstuk, met soveel moontlikhede wat wag. Mag julle altyd onthou dat julle wortels deel is van die mooi verhaal wat julle nog gaan skryf.”
Foto’s verskaf
You must be logged in to post a comment.