Mpumalanga – Hoërskool Ermelo Rugby se program het ’n merkwaardige mylpaal bereik toe die Mpumalanga Rugby‑unie die Erries vandeesnaweek as Rugbyskool van die Jaar vereer het. Hierdie toekenning bevestig dat harde werk, toewyding en uitmuntende afrigting ’n tasbare verskil maak.
Die seisoen was vol hoogtepunte:
- Beide junior spanne, o.14A en o.15A, het onoorwonne gebly in die Noordvaal‑liga en die Noordvaalbeker huis toe gebring.
- Die senior span het tot in die kwartfinale van die Noordvaal-liga gevorder en uitstekende spel gelewer, selfs te midde van uitdagings.
Hierdie prestasie van Hoërskool Ermelo Rugby is ’n huldeblyk aan elke speler, afrigter en ondersteuner wat met trots die maroen, swart en goud verteenwoordig. Die Erries se rugbygees en vasberadenheid het Mpumalanga se naam hoog gehou.
Baie geluk, Erries! Julle is ’n inspirasie en ’n bewys van wat moontlik is wanneer talent en toewyding saamkom.
Foto’s verskaf
