Grey Kollege Primêr is trots om te deel dat Israel Bremer onlangs uitstaande prestasies op die gholfbaan behaal het.

Israel het tydens die Suid-Afrikaanse Kids Golf KwaZulu-Natal “Order of Merit”-toernooi ’n indrukwekkende tweede plek verower met ’n telling van 39 oor 9 putjies.

Hy het verder sy provinsie én land verteenwoordig by die Junior Afrika Toernooi in San Lameer, waar 165 jong gholfspelers uit sewe lande meegeding het. In die 8-jarige ouderdomsgroep het Israel met tellings van 46, 41 en 41 oor 9 putjies as naaswenner geëindig.

Die afgelope naweek het hy sy goeie vorm voortgesit deur die o.11-afdeling van die Ficksburg-Vrystaat Ope te wen. Israel het uitstekende rondtes van 79 en 76 oor 18 putjies aangeteken en daarmee die titel ingepalm.

Grey Kollege Primêr is uiters trots op Israel se toewyding en merkwaardige prestasies.

https://greycollegeprimary.com/

Foto verskaf