Gauteng-krieketspanne. Hoërskool Linden se kriekethelde blink uit! 🏏

Drie trotse Lindeniete het van 4 – 7 Desember Hoërskool Linden verteenwoordig as deel van die Gauteng-krieketspanne in hul onderskeie ouderdomsgroepe:

• Miané Oosthuyzen (o.15 Geelspan)
• Jeanri van Schalkwyk (o.15 Blouspan)
• Tyler Mncube (o.15 Groenspan)

Hierdie drie kranige spelers het die skool en provinsie se naam met trots hoog gehou in wedstryde teen KwaZulu-Natal, Noordwes en Gauteng-Noord.

• Miané en haar span het ná ’n spannende stryd net-net in die finaal verloor.
• Tyler en sy span het ’n puik 4de plek behaal.
• Jeanri en haar span het sterk geëindig in die 6de plek.

Jeanri het boonop tydens die toernooi die tweede meeste lopies van alle deelnemers aangeteken – ’n uitmuntende prestasie!

Welgedaan! Ons is ongelooflik trots op elkeen van julle en die manier waarop julle Hoërskool Linden se naam laat skitter het. 🌟

Lees meer skolenuus hier: https://schoolsthatrock.co.za/

https://linden.co.za/

Foto verskaf