COSSASA Games. Hoërskool Marais Viljoen, Alberton, het ’n merkwaardige mylpaal bereik. Nog nooit tevore is soveel van die skool se atlete gekies om Suid-Afrika Internasionaal te verteenwoordig nie. Vier sterre van die Blou Masjien is ingesluit in die span wat van 31 Augustus tot 3 September aan die COSSASA Games in Bulawayo, Zimbabwe gaan deelneem.
Die uitblinkers is:
- Lize-Mari van den Berg – o.17 400 m en 800 m (ten spyte daarvan dat sy nog o.14 is)
- Janine Berry – o.17 Verspring
- Tyran Brooks – o.17 1 500 m en 3 000 m
- Calvin Kandira – o.17 400 m
“Baie geluk aan hierdie uitstaande atlete! Julle harde werk, deursettingsvermoë en talent het vir julle hierdie ongelooflike geleentheid besorg. Ons wens julle alle sukses toe terwyl julle met trots Suid-Afrika én die Blou Masjien op die internasionale verhoog verteenwoordig. Gaan hou hoërskool Marais Viljoen se naam hoog en gaan maak nog meer geskiedenis!”
You must be logged in to post a comment.