Hoër Meisieskool Oranje se debatduo, Anabelle Laubscher en Thiamé Hoffman, het vir die tweede keer vanjaar ’n nasionale silwerplek behaal. Hulle het aan die Con Spirito-kompetisie deelgeneem.
Die twee gr. 12-leerders het onlangs tweede geëindig in die senior afdeling van die Con Spirito-kompetisie se nasionale ronde. Slegs ’n maand tevore het hulle ook ’n tweede plek in die gesogte ATKV-debatkompetisie verower.
Oranje se debatspan het verdere glans gekry toe Danaé du Plessis en Miné Truter ’n vyfde plek onder die seniorleerders behaal het.
Foto’s verskaf
