Afrikaanse Hoër Meisieskool Pretoria – Sewe AHMP-swemmers het van 24 tot 27 September 2026 aan die SA Kortbad Kampioenskappe in Pietermaritzburg deelgeneem. Die nasionale gala het topvlakkompetisie gebied en Affies se meisies het met trots die skool se naam hoog gehou.
Affies se spanlede:
- Veronique Riekert
- Tessa Battheu
- Isobelle Vlok
- Anika Lamprecht
- Annabelle van Rensburg
- Elnye Potgieter
- Mila van der Linde
Mila van der Linde het goud verower in die 100 m rugslag, asook silwer in die 50 m en 200 m rugslag. Haar 100 m-rugslagtyd het ’n B‑kwalifiserende standaard vir die Wêreldkampioenskappe behaal – ’n prestasie van internasionale betekenis.
Elnye Potgieter het drie SA-o.14-rekords verbeter in die 100 m, 200 m en 400 m vryslag. Sy het ook silwer gewen in die 100 m vryslag, en brons in die 50 m en 100 m rugslag, die 50 m vryslag en die vlinderslag.
Die Affies‑swemmers het met hul vasberadenheid, talent en rekordbrekende vertonings die nasionale verhoog met glans verteenwoordig. Die skool is uiters trots op die AHMP-swemmers se harde werk en sportmanskap.
Foto’s verskaf
You must be logged in to post a comment.