Beesvleisburrito’s

Bestanddele

• 15 ml (1 e) olyfolie
• 1 ui, fyngekap
• 1 knoffelhuisie, fyngekap
• 5 ml (1 t) komyn
• 5 ml (1 t) brandrissiepoeier
• 500 g beesmaalvleis
• 400 g-blik gekapte tamaties
• 125 ml (½ k) water
• 400 g-blik nierboontjies, gedreineer en afgespoel
• 4 meeltortillas (20 cm)
• 250 ml (1 k) cheddar, gerasper
• 5 ml (1 t) paprika
• 60 ml (¼ k) vars babakoljanderblare

Metode

1. Verhit olie in pan oor hoë hitte. Braai ui, knoffel, komyn en brandrissiepoeier vir 3 minute terwyl jy roer of tot ui sag is.
2. Voeg beesvleis by en braai tot bruin. Roer tamaties, water en bone by en laat sonder deksel vir 15 minute prut of tot mengsel verdik. Verwyder van hitte en geur na smaak.
3. Voorverhit oond intussen tot 200 ℃.
4. Verdeel beesvleisvulsel onder tortillas. Vou toe en druk tandestokkies in om dit toe te hou. Plaas tortillas op gesmeerde oondbak en strooi cheddar en paprika oor.
5. Bak burrito’s vir 10 minute of tot deurwarm. Verwyder tandestokkies en strooi koljander oor. Sit dit saam met guacamole en tamatiesalsa voor.

Lees ook: Gebakte vispakkies met soetpatat | rooi rose