Gebakte vispakkies met soetpatat

Bestanddele

• 700 g oranje soetpatat, in groot stukke gesny
• 2 e (30 ml) olyfolie
• 1 baba-vinkelbol, fyngesny
• 2 tamaties, in dik stukke gesny
• 4 x 150 g-stokvisstukke
• 4 takkies vars oreganum
• 30 ml (2 e) suurlemoensap
• 200 g baba-broccoli
• 5 ml (1 t) vinkelsaad, gerooster en liggies fyngedruk
• 50 g okkerneute, gerooster en fyngekap
• 1 suurlemoen, in wiggies gesny

Metode

1. Voorverhit oond tot 200 °C.
2. Gooi helfte van olie en soetpatat in vlak braaipan. Rooster vir 50 minute of tot sag.
3. Plaas intussen 4 x 30 cm-bakpapiervelle op werksblad. Rangskik vinkel en tamatie in middel van elke stuk bakpapier. Plaas vis en oreganumtakkie bo-op.
4. Meng orige olie en suurlemoensap en geur met peper. Bedruip vis daarmee. Vou papier in pakkie om vis en groente toe te maak. Plaas pakkies op ‘n oondplaat.
5. Bak pakkies in oond saam met soetpatat vir 12 minute of tot vis gaar is.
6. Kook, stoom of plaas baba-broccoli in mikrogolf tot sag.
7. Maak pakkies oop. Strooi sade en neute eweredig oor vis. Bedien met soetpatat en baba-broccoli asook suurlemoenwiggies.

Lees ook: Warm niçoise-slaai | rooi rose