Hoenderslaai

Bestanddele

• 50 g bruinrys
• 50 g quinoa
• 2-3 gerookte hoenderborsies, gesny
• 170 g aspersies, stele afgesny en in lengte fyngesny
• 1 Mediterreense komkommer, in lengte gesny
• 100 g baba-langblaarslaai, blare losgemaak
• 50 g baba-rooikool, versnipper
• 15 ml (1 e) suurlemoensap
• 15 ml (1 e) olyfolie
• 60 ml (1/4 k) Griekse jogurt
• 5 ml (1t) Dijon-mosterd
• 5 ml (1t) baba-kappertjies in asyn, gedreineer, afgespoel en fyngekap
• 1 ansjovisstuk, gedreineer en fyngekap
• 1 suurlemoen, in wiggies gesny

Metode

1. Maak rys en quinoa vir 25 minute in kookwater gaar of tot sag. Dreineer, spoel onder koue water en dreineer weer.
2. Meng rys, hoender, aspersies, komkommer, blaarslaai en rooikool saam. Voeg suurlemoensap en olie by. Meng liggies.
3. Meng orige bestanddele, behalwe vir suurlemoenwiggies, in beker om slaaisous te maak.
4. Sit slaai met slaaisous en suurlemoenwiggies voor.

rr wenk:

• Sny aspersies en komkommer met ‘n groenteskiller, mandolien of V-snyer in dun stukkies.
• Die hoender kan ook met 250 g vars of gerookte forelstukke vervang word.

Lees ook: Hoender-en-grondboontjie-sosaties | rooi rose