Die Noord-Kaapse regering gaan aan elke gesin van die vyf vermiste Ekapa-werkers, wat op 17 Februarie ná ‘n ondergrondse modderstorting in die myn van Ekapa Minerals vasgekeer is, R10 000 skenk.
Dit is op Vrydag 6 Maart in Kimberley tydens ‘n bidsessie saam met die familielede deur die premier van die Noord-Kaap, dr. Zamani Saul, aangekondig. Die vyf families en regeringsamptenare was teenwoordig.
Elkeen van die meer as ‘n 1 000 werkers van Ekapa wat hul inkomste weens die myn se voorlopige likwidasie kwyt is, gaan ‘n koopbewys van R3 000 ontvang – in totaal ‘n bydrae van meer as R3 miljoen.
’n Grootskaalse soek-en-reddingspoging is sedert die modderstorting steeds by die Du Toitspan-myn van Ekapa Minerals aan die gang. Massas water en modder belemmer die poging.
LEES OOK: Ekapa-likwidasie: Werknemers voel oorgelaat aan eie lot; pensioene bevries
LEES OOK: Kimberley-myn redding | Massa water bemoeilik reddingspoging
You must be logged in to post a comment.