In Upington help ‘n naaimasjien Mama Yvonne du Preez veel meer doen as om materiaal in kledingstukke te omskep. Dié masjien het ‘n hulpmiddel geword om geleenthede te skep, kennis te deel en mense in haar gemeenskap te help ontdek waartoe hulle in staat is.
Vir haar is naaldwerk ‘n vaardigheid wat sy oor baie jare ontwikkel het. Sy is ‘n bekwame naaldwerker wat haar hand aan bykans enigiets kan waag. Maar kwiltwerk beklee ‘n besonderse plek in haar hart; dit is ‘n kunsvorm wat haar in staat gestel het om haar tegniese vaardigheid skeppend en geduldig te beoefen.
Boonop het Mama Yvonne onlangs uit haar gemaksone getree en gespesialiseerde opleiding in hoedemaak by die South African School of Hat Making bygewoon. Hier kon sy voortbou op die naaldwerkvaardighede wat sy reeds jare lank ontwikkel het, en só ‘n heel nuwe dimensie byvoeg tot dit wat sy reeds skep.
LEES OOK: Empowering women: Mosaic art course for Mama Afrikas
Hierdeur het sy die geleentheid om die produkte wat sy aan mense in haar gemeenskap bied, uit te brei en ook verdere geleenthede te skep om hierdeur ‘n inkomste te verdien.
Maar getrou aan die Clover Mama Afrika-filosofie het sy nie die nuwe vaardigheid vir haarself gehou nie. Sy het reeds begin om ‘n ander vrywilliger by haar sentrum in hoedemaak op te lei. Dit is ‘n eenvoudige voorbeeld van wanneer een persoon ‘n vaardigheid aanleer, hoef die impak nie by daardie persoon te stop nie.
In ‘n gemeenskap waar praktiese vaardighede ‘n betekenisvolle verskil kan maak, toon Mama Yvonne dat die kragtigste vorm van bemagtiging soms daarin lê om oor die vaardighede te beskik om iets te skep, en bereid te wees om iemand anders te leer om dieselfde te doen.
Besoek clovermamaafrika.com vir meer inligting oor die program.
ALSO READ: Mamas learn new skills
