Vandag in die nuus

Hier is die hoofnuus wat vandag, 13 Oktober, gebeur het. Dié artikel bevat die belangrikste nuus wat plaaslik, in die sportwêreld en oorsee plaasgevind het.

Plaaslik

• Australië het die Proteas op die 5de dag van die 1ste toets op Kingsmead met 214 lopies verslaan nadat die snelbouler Josh Hazlewood 6 paaltjies vir 49 lopies geneem en 2 belowende SA vennootskappe verbreek het.
• Polisie in die Oos-Kaap is op soek na 2 gevangenes wat in KuGompo-stad ontsnap het nadat hulle glo uit ’n polisievoertuig gekom het terwyl hulle vervoer is, met 3 van die ontsnaptes wat reeds weer deur die polisie en private sekerheidsmaatskappye aangekeer is.
• Die borgtogaansoek van Shadrack Sibiya is vandag weer uitgestel, dié keer sodat die staat verklarings kan bekom van die tieners wat hom daarvan beskuldig dat hy hulle seksueel uitgebuit het, nadat sy verskyning in die Randburg-landdroshof vir die voortsetting van die borgtogverrigtinge tot Woensdag uitgestel is.
• ’n 6-jarige meisie veg om haar lewe nadat sy vanoggend na bewering verskeie kere in ’n klaskamer by ’n kerkgebaseerde skool vir kinders met spesiale behoeftes in Umhlali aan KZN se Noordkus gesteek is.
• Voormalige Knysna-burgemeester Thando Matika en 2 senior munisipale amptenare is borgtog van R20 000 toegestaan in ’n saak wat bewerings van korrupsie, afpersing en geldwassery behels.
• Die moordverhoor van die voormalige wêreldbokskampioen Zolani Tete is tot 8 Desember uitgestel om verdere ondersoeke moontlik te maak, met die 4 beskuldigdes wat vandag in die Mdantsane-landdroshof verskyn het.

• Oud-pres. en leier van die MK-party, Jacob Zuma, is uit die hospitaal ontslaan nadat hy verlede week in die Netcare St Anne’s-hospitaal in Pietermaritzburg opgeneem is; eNCA berig dat hy glo reeds gisteraand ontslaan is, maar dat sy mediese span hom aangeraai het om oornag in die Pietermaritzburg-omgewing te bly ingeval ’n mediese noodgeval sou ontstaan.
• Die Wes-Kaapse hooggeregshof sal ’n regsaansoek aanhoor oor die parlementêre art. 89-aanklagkomitee se besluit om sy aanbeveling vir adv. Griffiths Madonsela as getuienisleier terug te trek, met die aansoek wat deur die EFF en die African Legal Professionals Association gebring is.
• Die Fidji-rugbyunie het die SA breier van die Wêreldkampioenspan in 2007, Jake White, as die nuwe hoofafrigter van die FIJI Water Flying Fijians aangestel, ’n skuif wat as die begin van ’n ambisieuse veldtog na die Rugbywêreldbeker volgende jaar in Australië beskou word.

Oorsee

• Franse vakbonde het gesê sowat 480 000 mense het vandag aan landwye betogings deelgeneem ter ondersteuning van studenteprotesaksies.
• VSA-pres. Donald Trump se ambassadeur in Griekeland, Kimberly Guilfoyle, is gevra om te bedank ná ’n reeks skadelike onthullings oor etiese oortredings, waaronder ’n omkoopskandaal, het die Withuis se nuwe perssekretaris gesê.
• Die Britse en Duitse ministers van buitelandse sake het aangedring op verdere sanksies teen Moskou oor die oorlog in Oekraïne, nadat president Donald Trump ’n verslapping van Amerikaanse sanksies op Russiese diesel aangekondig het.
• Jemen se Houthi-rebelle het Saoedi-Arabië gewaarsku om nie aanvalle op Sanaa uit te voer nie, kort nadat die Saoedi-geleide koalisie aangekondig het dat hy ’n operasie in die Jemenitiese hoofstad sou uitvoer.
• 11 mense word vermis nadat 2 handelskepe vandag aan Bulgarye se kus getref is in die jongste uitvloeisel van die oorlog in Oekraïne wat na die Swartsee versprei het.
• ’n Man wat ’n elektroniese enkelmonitor gedra het, is hegtenis geneem ná ’n mesaanval by ’n supermark in Incheon, Suid-Korea, waarin een persoon ’n hartstilstand opgedoen het en nog 7 beseer is.
• Mark Rutte, sekretaris-generaal van Navo, sê die alliansie sal sy verdedigingsmaatreëls ‘soos nodig’ aanpas nadat 2 skepe in die jongste voorval aan Bulgarye se Swartsee-kus getref is.
• Die Sweedse aktivis Greta Thunberg het by hoërskoolleerlinge in Frankryk aangesluit wat vir beter leeromstandighede betoog, terwyl die land hom vir nuwe landswye betogings voorberei het en owerhede asook deelnemers waaksaam was vir verdere geweld.
• ’n Filipynse staatshof vir die afsetting van openbare ampsdraers het die aanklaers se versoek toegestaan om 2 aanklagte teen adjunkpresident Sara Duterte, insluitend ’n beweerde sluipmoorddreigement, terug te trek, wat die beskuldigings van onverklaarde rykdom as die enigste oorblywende aanklag teen haar oorlaat.