’n Fees van aarbeie

Maklike aarbeikonfyt

(Maak sowat 430 ml konfyt)

Bestanddele:

• 450 g aarbeie, grof gekap
• 150 g witsuiker
• 2 e suurlemoensap

Metode:

1. Plaas die aarbeie, suiker en suurlemoensap in ’n mediumgrootte kastrol.
2. Roer oor lae hitte totdat die suiker opgelos het.
3. Verhoog die hitte na mediumhoog en laat die mengsel opkook.
4. Roer gereeld en laat dit kook tot die konfyt verdik het (as jy ’n suikertermometer het, moet dit so om en by 103 °C bereik). Dit neem sowat 15-20 minute.
5. Skep die warm konfyt in ’n ge­steriliseerde glasfles en laat afkoel tot kamertemperatuur. Bêre in die yskas en gebruik binne 10 dae.

Resep aangepas van https://www.scatteredthoughtsofacraftymom.com/.

Aarbeikoek

Bestanddele

• 225 g sagte botter
• 225 g strooisuiker
• 4 medium eiers
• 225 g bruismeel
• 2 t bakpoeier

Vulsel:

• 6 e tuisgemaakte aarbeikonfyt
• 250 ml room
• 1,5 e versiersuiker
• 1 t vanieljegeursel

Versiersuiker:

• Vars aarbeie, om te versier

Metode:

1. Voorverhit die oond tot 180 °C . Smeer en voer twee 20 cm ronde losbodem-koekpanne uit.
2. Plaas die botter en strooisuiker in ’n groot mengbak en klits dit met ’n elektriese handmenger saam totdat die mengsel lig en donsig is.
3. Voeg die eiers een vir een by die mengsel en klits goed ná elke byvoeging.
4. Plaas ’n sif oor die mengbak en sif die bruismeel en bak­poeier by.
5. Gebruik ’n groot metaallepel om die bestanddele versigtig saam te vou. Wees versigtig om dit nie te veel te meng nie.
6. Verdeel die beslag eweredig tussen die twee koekpanne – ongeveer 430 g beslag per pan. Maak die bokant glad met die agterkant van ’n lepel en tik die panne liggies teen die werkoppervlak om enige lugborrels te laat ontsnap.
7. Bak vir 25 minute. Wanneer die koeke gaar is, sal hulle effens van die kante van die panne wegtrek en terugspring wanneer jy liggies daarop druk.
8. Haal die koeke uit die oond en laat hulle in die panne afkoel voordat jy hulle uitkeer.
9. Wanneer die koeke heeltemal afgekoel het, plaas een koeklaag op ’n koekbord of koekstaander en smeer die aarbeikonfyt daaroor.
10. Plaas die room, versiersuiker en vanieljegeursel in ’n mengbak. Klits totdat sagte punte vorm. Smeer die helfte van die geklitste room bo-op die konfyt en plaas dan die tweede koeklaag bo-op.
11. Versier met die res van die room en vars aarbeie

Aangepas van amytreasure.com.